Çalakîya roniştişî ya ke semedê baleantişê grevê vêşanîye yê ke semedê wedartişê tecrîdê serê Rayberê Şarê Kurdî Abdullah Ocalanî yenê viraştene hetê Partîya Şaran a Demokratîke (HDP) a Dêrsimî ra yena viraştene, vizêr roja 9. de dewam kerde.

Çalakîya roniştişî ya ke Meydanê Seyîd Rizayî de yena viraştene temsîlkarê partîyanê sîyasîyan û rêxistinanê sivîlan ê cimatî û merdime tepişteyan tewrê ci bîyî. Çalakîye de dayîkanê xoverdayoxan veng da serokkomar û Wezîrîya Tirkî ke wa tecrîdî wedarê û waştişê domananê înan bîyarê ca.