Seba ke qesasê 17 gerîlayanê ke hêrişanê kîmyewîyan ê dewleta tirke de şehîd bîyê bigêrê 20 ciwanê Rojawanê Kurdîstanî bi eşkerayîyêke tewrê gerîlayan bîyî. 

Eşkerayîye wina ya:

''Şarê ma yê welatperwer û ciwananê welatperweran rê;

Dewleta tirke vera ewladanê nê şerî wehşetêko pîl kerd û çekê kîmyewîyî şuxilnayî. Netîceya nê hêrişan de 17 ciwanê azadîye şehîd bîyî. Nê hêrişî têna vera şorişgêran nê vera şaranê azadîgîran ê. 17 embazanê ma ra zafînan Kobanê ra heta Baxozî vera DAÎŞî şer kerdbi. PKKyî bi hezaran gerîla û fermandarî seba pawitişê şarî vera DAÎŞî şawitbî Sûrîye û Iraqî. Amerîka û Ewropa hol zananê ke kamî DAÎŞ bin visto.

Ewro dewleta tirke wazena ke qesasê DAÎŞî bigêra û bi destekê NATOyî ney kena. Hetêkî ra vera DAÎŞî koalîsyon awan beno la hetê bînî ra paştî dîyena dewleta tirke. Na dirîtîyêka pîl a. 18ê teşrîna peyêne de helê şehadetê di gerîlayan weşanîyayî.

Ma sey ciwananê Rojawanî vera ney bêveng nêmanê. Ma çekanê 17 embazanê şehîdan gênê xo destî û tewrê gerîlayan benê. Kurdîstan de qehremanî nêqedîyenê. Seba wayîrvejîyayîşê şehîdan tek rayîr girewtişê çekanê înan o. Ma venga pêro ciwanan, cinîyan û şarê xo danê ke bêrê tewrê şerê azadîye bibê, wayîrê erk û mesuldarîyanê xo vejîyê, wayîrê şehadetan vejîyê, tewrê hemleya serkewtişî bibê û tewrê gerîlayan bibê.''