Vewrêsê Wanî: 40 rojan ra pey cenazaya ci ameye dîyene
Xebatkarê îtfaîya Mehmet Can Daşdemîr binê vewrêsê Mîksî yê Wanî de mendbi ke 41 kesanê bînan zî vewrês de wefat kerdbi. 40 rojan ra pey cenazaya Daşdemîrî ameye dîyene.
Qezaya Mîksî ya Wanî de 4 û 5ê sibate de vewrês qewimîyabî û netîceya nê felaketan de 41 kesan wefat kerdbi. Cenazaya xebatkarê îtfaîya Mehmet Can Daşdemîrî zî 40 rojan ra pey ameye dîyene.
Felaketê vewrêsî ra dima rayîrî qefilîyabî û xebatê xelisnayîşî û cigêrayîşî semedê şert û mercanê zoran ra ameybî vindartene. Ekîpanê xelisnayîşî û cigêrayîşî 3 rojî verê cû reyna dest pê xebate kerd û cenazaya Daşdemîrî dîye.
Walîtîya Wanî da zanayene ke ke cenazaya Daşdemîrî ameye berdene bi morgê tipê edlîyî.
