Ciwan Zaza yo ke herêma Çêrme de Temmuz a 2017’î de bi halê xo yo birîndarî heta saetanê sibayî pêkewtiş de xover da û şehîd kewt, embazê ci qalê ey kerd û va: ‘’Hetê ruhî ra ma şehîdan ra cîya nêbenê. Cîyabîyayîş û vîrakerdiş xîyanet o’’.
Koyê Kurdistanî teyna qeleya xoverdayîşî nîyê. Mekanê ke tarîxîê Kurdan newe ra yeno nuştene, cuye newe ra yeno muntene û reseno qoqanê xo yê. Gerîlayê no koyan bi nê zanayîşî û fedakarîya girde hemrayî yê hetê manevîyatî ra xurt kenê.
Ciwan Zaza Çewlîg ra keyeyêkê welatperwerî ra bi. Pîya bi hirê embazanê xo 2003 de tewrê sefanê gerîlayî bi. Perwerdeyî ra dima Xakurkê û Behdînan de xebetan de ca girewt. 2016 ravêrt Eyaletê Erizromî. Demêk o kilm de coğrafya nas kerde û resa herêmanê Çêrme, Azapêrt û Çawreşî.
Embazê Ciwanî yê mucadeleyî derheqê ci de nê vatî: ‘’ Ciwan embazêko erjaye bi. Bi karekterê xo yê fedakar û mutewazî demêk o kilm de Eyaletê Erziromî de bi heskerdiş vejîya vernî. Pratik aktîf de ca girewt û rayberîye kerde. Ciwan bicoş, bimoral bi û şehîdan û Rayberîye rê giradeye bi. Biqerar û biîstîkrarî tê gêrayêne. Çalakîyanê 2017’î de vernî de ca girewte. Ciwan herêma Çawreş de tîmê çalakîye de bi. Herêma Çêrme de Temuz a 2017’î de pêkewtişêk de birîndar beno û rixmê derba xo pêkewtiş rê dewam keno. Ciwan heta saetanê serê sibayî şer keno û tewrê kerwanê şehîdan beno. Keyeyê Ciwanî cenazeya ey kiştê dezayê ci Agirî yo ke 3 mengî verê şehadetê Ciwanî Dola Lameçî de şehit kewtbi de defin kerd.’’
