Hukmatê AKPyî  binê nameyê 'bexşkerdişî' de şarî ra pereyan arê dana. La heman wextî de seba seba qesra Tayyîp Erdoganî ya ke qeraxa Wanî yê qezaya Xelatî ya Bedlîsî de ya 125 mîlyon lîre seba zîndanê neweyî yê 800 kesan o ke qezaya Erdîşî ya Wanî de yo 100 mîlyon lîre erşawit.Qezaya Erdîşî de ke nufusê ci 200 hezar kesî yo û qezaya Xelatî de ke nufusê ci 41 hezar kesî yo se ra 85ê şarî xizan û bêkar o. Hukmatê AKPyî bi mîlyonan pereyan binê nameyê 'bexşkerdişî' de  kom kerd ke seba viraştişê Qesra Erdoganî û Zîndanê Erdîşî erşawenê. 

Qezaya Xelatî ya Bedlîsî de viraştişê qesra Erdoganî ya qeraxa Gola Wanî dewan keno. Qanûnê Bingeyîyî seba ke qanûnê dengizî binpay kerdêne verê cû projeyê qesre batal kerdbi. Labelê viraştişê qesre nêvindert. Malîyetê qesre resa 125 mîlyon lîra. Qesre hetê Şîreketa Guryapi Taahhutî ra virazîyena ke wayîrê ci Hasan Gursoyî îmam hatîpî ra embazê Erdoganî yo.

Qezaya Erdîşî ya Wanî de zî tay mend ke zîndano newe biqedo ke seba 800 kesan yeno viraştene. Seba zîndanî heta nika 100 mîlyon lîra xerc bi. Wan de 6 zîndanê pîlî estê viraştişê zîndanêkê neweyî nîşaneya hukmatê AKP-MHPyî yo.