Walîyê Dêrsimî Tûncal Sonelî yo ke pirdo ke Çemê Munzurî ser o viraşto, nameyê ‘Ana Fatma Valî Tuncay Sonel’  nayo pa, ci  rê rekasîyon zêdîyenê. Rayberîya Komeleya Elewîyan a Demokratîke  (DAD) de hetê HDP, SMF, Partîzan, û EMEP‘î ra derheqê babete de eşkerayîyêka hempare ameye dayene.

Eşkerayîya ke verê pîrdî de ameye dayene û  parlamenterê HDP’yî yê Çewlîgî  Erdal Aydemîr û temsîlkarê rêxistinanê komelanê sivîlan tewrê ci bîyî de verê qiseykerdişî semedê Ana Fatma çilayî ameyî tafînayene.

Hemserekê Komeleya Elewîyan a Demokratîke (DAD) Mûsa Kûlûyî ard ziwan ke ê destûr nêdanê ke ê nameyê  Ana Fatma ya ke bimbareka înan a bidê nê pirdî û va, ‘‘ Îtîqatê ma çirey destûr nêdano ke bimbarekê ma bêrê binpaykerdene. Ana Fatma ya ke bêrê kamîlî haqî yo ke murşîdê îtîqatê Kilibaşî yê yo çew nêeşkeno nameyê aye biderê yew pirdî. Nameyê qet yew bimbarekê ma do nêdîyo cayanê wînayênan. Ma naye rê musade nêkenê. Ganî no name cade bêro wedartene. Eke waştişê ma mero ca ma do rayîrê huqûqî ra mucadele bikerê.‘‘