Polîsanê ke kuçeyê hunerî yê qezaya Rêya Armûşî de her roje esnafan teftîş kenê vizêr şan 3 esnafî bi kelemçeyanê peykîyan destbend kerdî.

 Polîsan esnafêk erd ser o raqeldna û bi kelemçeyanê peykîyan destbend kerd û di cayê karî zî semedê ''bêruhsatî'' padayî. Esanafan îfade kerd ke înan seba ruhsatî muracatê şaredarîye kerd û kuçe de ruhsatê cayêkî çin o. Esnafanê kuçeyê Hunerî vera şîdetê polîsan dikanê xo padayî. Yeno pawitene ke ewro saete 13:00 de esnafî kuçe de do eşkerayîyêke bikê.