Wan de pê bahaneya ke goreyê qedexeyê vejîyayîşê teberî tênêgêrayî hemwelatîyan rê 3 hezar û 500 lîra ceza yena dayene.

30 şaristananê pîlan û Zonguldak de 11ê nîsane de seba 2 rojan vejîyayîşê teberî amebi qedexekerdene. Qedexe şaristanê pîlî yê Wanî de zî ame caardene. Roja destpêke ya qedexeyî de 227 kesan rê 823 hezar û 563 lîra, roja diyîne de 449 kesan rê mîlyonêk û 405 hezar û 436 lîra ceza ameye dayene. 2 rojanê qedexeyî de 726 kesan rê bi temamî 2 mîlyon û 229 hezar lîra cezaya pereyî ameye dayene.

Şaristananê Tirkîya de zî kesanê ke goreyê qedexeyî tênêgêrayî rê 130 ra heta 389 lîra cezapa pereyî ameye dayene. Labelê Wan de asta tewr berze 3 hezar û 500 lîra bîye.