Demo peyên de barkerdişo tewr gird ê bextwaştoxan yeno ciwîyayene. Roje de bi seyan bextwaştoxî bêastengî ravêrenê Wanî. Tayî hetê tacîranê merdimî ra tayî zî bi destê dewlete yenê ardene. Bextwaştoxî Wanî de şertenê zehmetan de mucadeleyê cuya danê.

Bextwaştoxê ke Wanî de zafê înan kuçe û parkan de manenê. Ê bînî zî Otogarê Mabênê Bajaran ê Wanî de mucadeleyê cuye danê. Zafê înan mabenê serranê 15-25 de yê. Kismêk zî cinî û doman ê. Şarê Wanî bi îmkananê xo paştî dano bextwaştoxanê ke kuçeyan de yê. Bextwaştoxê ke hukmatê AKP’yî înan vera Yewîya Ewropa şuxulneno bi menganê kuçeyan de yê wero germin nêwerdo û xo nêşit o. Seba ke heqê hemwelatiye çîn o, ê nêeşkenê xizmetê weşîye zî bivînê. Coka înan ra xeylî rîyê şertanê xiraban ra nêweş kewtî la nêeşkenê berê tedawîkerdene.

37 Kesan Bi Xeniqyayîş Cuya Xo Vînî Kerde

Bextwaştoxê ke semedê cuyeyêka hîna hole wazenê şirê Tirkîya û Ewropa zafê înan rayîr de xeniqyayî û qezayanê trafîqî de cuya xo vînî kerde. Sinorê Rojakewtena Kurdistan û Wanî de 12’ê Nîsan a 2019’î de  6 kesî xeniqyayî. Rayna heman sinor de 3’ê Gulane de 6 kesî xeniqyayî. 23’ê Temmuze de dimayo ke vewre helîyaye reyna nê sinor de meyîtê 25 bextwaştoxan vejîyaybî werte. Dramê bextwaştoxan bi naye zî nêqedîya 18’ê Temmuze qezaya trafîqî yê Wanî  de 17 bextwaştoxî merdî 50 kesî zî birîndar bîyî. Nê bextaştoxê ke bi destê dewlete Wanî de yenê cakerdene  ke demokrafîkê Kurdistanî bêro bedilnayene, cuya înan beno qurbanê polîtîkaya AKP’yî.