Her roje bi desan multecîyî Îranî ra yenê Wanî. Îran de Korona ra bi desan kesî merdî. Naye ra dewleta tirke sînorê Îranî û Iraqî qefilnayî. La reyna zî multecîyî yenê Wan. Multecîyî seba vîrusî yenê kontrolkerdene. Seba nê armancî Wan û Agirî de nêweşxaneyê demkîyî ameyî awankerdene. Labelê eşkera bi ke nêweşxaneyanê demkîyan û Wan de tebdîrê qîmî nêameyî girewtene.

Qezaya Payîzava ya Wanî de ekîbê weşîye seba kontrolkerdişî ameyî waro de ke bi desan multecîyî tede yê. La semedo ke şert û mertê weşîye bifayde nêbîyî, ekîbî kontrolê weşîye nêkerd û herême ra şî. Ekîbê weşîye yo ke warê multecîyan de kontrolê weşîye nêkerd raporê xo de wina nuşt: ''Cigêrayîşê warê multecîyan de ame dîyene ke îmkanê qîmî nêameyî girewtene. Seba kontrolê weşîye ekîbman kêm ê, warêko weşîye çin o, şert û mercê îzalasyonî çin o, xebatkarê seba kontrolê weşîye çin ê. Naye ra kontrol nêame kerdene.''