Wan de polîsan 16ê teşrîna peyêne de eşt keyeyê Sergen Pulatî ser. Polîsan ber şikit, keyeyê Pulatî serûbin kerd û o destbend kerd. 18ê teşrîna peyêne de polîsan reyna eşt eynî keyeyî ser û waşt cigêrayîş bikerê. Seba ke şarê keyeyî vera înan vejîya polîsan ê derb kerdî.

Keyeyê Sergenî  çar polîsê ke semedê cigêrayîşî ameyî rê vat: ''Şima xora gama ke lajê ma berd, keyeyê de cigêrayîş kerd, reyna cigêrayîş hewce nêkeno.'' Nayî ser o polîsî keyeyî ra vejîya û dima ra pê wesayîtanê zirxinan û polîsanê maskeyinan agêrayî. Polîsan şarê keyeyî derb kerd û kesê bi nameyê Ferhan, Serhenk, Berkan û Muratî destbend kerdî. Netîceya hêrişî de engişta cinîyêka extîyare şikîyaye. Badenê ê bînan de zî derbê birnayîşî estê. Polîsan waşt qereqol de  çar kesan rê nuşteyê ''keye de goreyê usulî cigêrayîş ame kerdene'' bidê îmzakerdene la înan îmza nêkerd. Nê çar kesê ke seba ke vera polîsan vejîyayî ameyî destbendkerdene dima ra serbest ameyî veradayene. Polîsê ke keye de waşt cigêrayîş bikero bi îdîaya înan nêverdayo o gureyê xo bikero, gerreyê keyeyê Pulatî kerd

Keyeyê Pulatî vat: ''Polîsan Sergen bîlasebeb destbend kerd. Destê polîsan de delîlêk çîn o. Coka reyna eşt keyeyê ma ser. Kenê ke bizor ey sûcdar bikerê. Seba ke ma vera ci vejîyayî ma derb kerdî. Hem ma rê îşkence kerd hem zî gerreyê ma kerdo. Ma zî gerreyê polîsan kerd.''