Wekîla Verêne ya HDPyî Çagla Demîrel a ke serra 2015î de amebî tepiştene bi îdîaya ''endamîya rêxistine'' ameyêne hukmkerdene. Roniştişê bire yê dewa Mehkema Cezaya Girane ya 5. ya Amedî de ame kerdene.

Avûkatê Demîrele Reyhane Yalçindag û Mesut Beştaş tewrê roniştişî bîyî. Hemsereka DBPyî Salîha Aydenîz, Wekîla HDPyî ya Amedî Semra Guzel, Hemsereka HDPyî ya Amedî Hulya Alokmen û keyeyê Demîrele zî tewrê taqînkerdişê roniştişî bîyî.

Avûkate Yalçindage vist vîrî ke hêzê asayîşî yê tehqîqatî FETO ra ameyî tepiştene û vat: "Ma veradayîş nêwazenê. Ma vanê ke nêbeno ke şima ceza bidê."

Beştaşî vat: "Eşkera yo ke tepiştişê Demîrele huqûqî nîyo."

Heyetê mehkeme bi îdîaya ''endamîya rêxistine'' 7 serrî û 6 mengî cezaya zîndanî daye Demîrele.