Çarçewa hêrişanê îmha yê dewleta tirke de 2yê temmuze de dew û dewekanê qezaya Xîzanî yê Bedlîsî Hûzeran, Akûnîs, Govan, Lanîlan, Xûlepûr, Kekulan, Sûreh, Pertawan, Kuran û Mezra Pisyanî de qedexeyê tebervejîyayîşî amebi îlankerdene û dima zî herême de operasyonê leşkerî dîyabî destpêkerdene. Hefteyêk dima operasyono leşkerî qedîya zî herême sey 'herêma asayîşê taybetî' ameye îlankerdene.

Bombardumanê vera artêşa tirke herême de dewam kenê. Wekîlanê Partîya Çep a Keske yê Bedlîsî Huseyîn Olanî û Sema Çaglarî vizêr Xîzan zîyaret kerd. Olanî bale ante talanê vera xozaya herême ser û vat: ''Herême 10 rojî yo şewe û roje dîyena bombayan ver. Vera xoza qirkerdişêko pîl yeno kerdene. Yeno armanckerdene ke dewî bêrê xalîkerdene. Dewijan de bombardumanan ra aramîye nêmenda.''