Zanîngehê Dîcle yê Amedî de 3 wendekî seba ke vaybîyayîşê werdî protesto kerd Wargehê Halîd Bîn Velîdî (KYK)  ra ameyî eştene.

Wendekaran Mehmet Can Eşkîn û Muslum Urdunî da zanayene ke mudirê wargehî zî wendekaran rê gef wendo.

Eşkînî pare kerd ke protestoyî ra dima mudirê wargehî ame hetê wendekaran û wendekarî pê 'provakatorîye' sûcdar kerde. Eşkînî vat: ''Mudirê wargehî ma rê vat 'Gureyê şima dîyayo ci. Şima dana asayîşî.' Rojêke ra pey seba îfade veng dîya ma û ma wargehî ra erzîyayî. Rewşa ma ya ekonomîke hol nîya. Burso ke dewlete dana cara ma rê nêvejîyeno. Tewirê mudirî xirab û dişmenkarî bi. Ma do bire rê îtîraz bikerê.''

Muslum Urdunî zî ard ziwan ke îdareyî nişka ra ê wargehî ra vetê û vat: ''Eşyayê ma zî embazanê ma ardî dayî ma. Seba ke ma wargehî ra bêdem erzîyayî, bursê ma zî ame betalkerdene. Ma nêeşkenê keyeyêkî bitepişê. Mudirî tewirêko polîtîk mojna ma.''