Wesayîtanê zirxinan yê polîsan ver her roje qicî mirenî
Hezex de 9 aşmî cuwa ver wesayîtêkê zirxinî yê polîsan dabi qico 5 serrî yê bi nameyê Onûr Ozalpî ro. Onûr ewro wefat kerd.
Qezaya Hezexî ya Şirnexî de 28ê kanûna 2017î de wesayîtêkê zirxinî yê polîsan, da Onûr Ozalpî ke vernîya berê xo de kay kerdêne, ro.
Onûr bi hawayo giran birîndar bibi û Nêweşxaneyê Dewlete yê Batmanî de tedawî dîyêne. Dima ra zî keyeyê xo de girêdayeyê cîhazî amebi kerdene. Onûr rixmê tedawîye weş nêbi û ewro wefat kerd.
