Kurdistan wisarî reyde xemilîya. Hemwelatijê ke hewyanê înan estê, seba weyekerdiş û çerênayîşî înan verê xo da deşt û wareyan. Pesê ke axuran de yê, menga Gulane reyde seba çerênayîşî axuran ra ameyî vetene.

Hem polîtîkayê dewlete yê ke xebata heywan weyekerdişî qedênanê hem zî krîzê ekonomî wextê zimistanî de xeylê zor da wayîranê heywanan ê Wanî û der û dorê ci

Abdurahman Karacayo ke Wan de heywanan weye keno, ard ziwan ke wisarî reyde seba çerênayîşî înan pesê xo vetê bi teber. Karacayî da zanayene ke, verek û mêşnayî pîya çerênê û vat, ”Emser wisarî tayê erey dest pêkerd. Coka simer û alef zaf çin bi ke ma bidê heywananê xo. Ma zî şenik şenik da înan. No semed ra heywanî emser baş nêameyî weyekerdene. Germbîyayîşê hewayî reyde zî ma heywanê xo vetî teber. Yanî mîyanê nê krîzî de wisar rest hawarê ma. Ma do nika ra tepîya heywananê xo teber de weye bikerê.”