9ê çeleyê 2013yî Sakine Cansiz, Fidan Dogan, Leyla Şaylemez û 23ê kanûna 2022yî de Evîne Goyî, Mîr Perwer,  Abdurrahman Kizil,paytextê Fransa Paris  de ameyî qetilkerdene. Bajarê Marsilya yê Fransa de kurdîstanijan seba ke kerdoxê qirkerdişanê Parisî bêrê muhakemekerdene Wezîrîya Edaletî ya Fransa rê bi seyan mektûbî şawitî.

Kampanyaya mektûban ke serkêşîya Meclîsê Cinîyan a Arine Mîrkan de yo ke pabesteyê Têgêrayîşê Cinîyan ê Kurdan ê Ewropa yo, dîyaye destpêkerdene do heta 11ê çeleyî dewam bikero ke do a roje Paris de rayraşîyayîşo merkezî bêro kerdene.

Cinîyê ke verê postaxaneyî de ameyî têhet bi vatişê slogana “Jin Jiyan Azadî mektûbî şawitî. Cinîyan mektûb de bale ante hêrişê dewleta tirke yê vera cinîyan ê serkêşan ê têgêrayîşê cinîyan ê kurdan ser û wina vat: ''Sakîne Cansiz, Fidane Dogan û Leyla Şaylemez Paris de bi destê MÎTî ameyî qetilkerdene la 12 serrî yo edalet nêame caardene. Ma sey cinîyan ê kurdan reyna semedê caardişê edaletî veng danê. Ma 12 serranê peyênan de welatê şima de çar embazê xo vînî kerdî. Heta nê qirkerdişî nêrê roşnkerdene qet cinîyêka kurde welatê şima de nîna pawitene.  Ma do 11ê çeleyê 2025î de rayraşîyayîşê girdî bikerê û vengê xo berz bikerê. Ma nê her serre kenê û heta caardişê edaletî ma do bikerê.''