Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye. Eşkerayîye wina ya:

''Netîceya çalakîyanê hêzanê ma de 5 leşkerê îşxalkerî ameyî cezakerdene, 2 îşxalkerî zî birîndar bîyî. Warê Xoverdayîşî 6 reyî pê bombayanê qedexekerdeyan, 14 reyî pê helîkopteranê hêrişî, bi desan reyî zî pê obus, tank û çekanê giranan dîyayî bombayan ver.

Detayî wina yê:

5ê teşrîna peyêne de Warê Xoverdayîşî yê Şikefta Birîndaran de mabênê hêzanê ma û îşxalkeran de pêkewtişî qewimîyayî. Medyaya şerê taybetî ya dewleta îşxalkere zûre kerde, derbê ke werdî nimitî û îdîa kerd ke nê pêkewtişan de têna 2 kişte û 2 birîndarê ci est ê. La hêzanê ma nê pêkewtişan de 4 îşxalkerî ceza kerdî û 2 îşxalkerî zî birîndar kerdî. Nê pêkewtişan de embazê ma Şoreş û Nûjiyane şîyî serê dişmenî, bi fedayîtî şer kerd û şehîd bîyî. Ma do dima nasnameyanê embazanê xo Şoreş û Nûjîyane rayaumûmîye de vila bikerê.

11ê teşrîna peyêne de Warê Xoverdayîşî yê Sîda de teqaberê ke seba bombardumanê vera mewzîyanê Şehîd Doganî ameybî amadekerdene hetê hêzanê ma ra ameyî îmhakerdene.

11ê teşrîna peyêne de Warê Xoverdayîşî yê Çemçoyî de hêzanê ma pê taktîkê suîkastî 1 îşxalker ceza kerd.

Çarçewa Hemleya Şorişgêre ya Bazanê Zagrosî de herêma Xakurkê de;

10ê teşrîna peyêne de Warê Xoverdayîşî yê Girê Şehîd Axînî de îşxalkerî pê çekanê giranan ameyî derbkerdene.

Çarçewa Hemleya Şorişgêre ya Şehîd Savaş Maraşî ya Cengê Xabûrî de; 11ê teşrîna peyêne de Warê Xoverdayîşî yê Girê Cûdîyî de hêzanê ma îşxalkerî pê çekanê giranan derb kerdî.

Hêrişê ke artêşa îşxalkere bi bombayanê qedexeyan û çekanê kîmyewîyan kerdê;

11ê teşrîna peyêne de mewzîyê Şehîd Yunusî yê Warê Xoverdayîşî yê Girê Cûdîyî, mewzîyê Şehîd Sîpanî yê Warê Xoverdayîşî yê Girê Amedîyê û mewzîyê Şehîd Serxwebûnî yê Warê Xoverdayîşî yê Çemçoyî dîyayî bombayan ver.

Hêrişê bînî yê artêşa îşxalkere;

11ê teşrîna peyêne de Warê Xoverdayîşî yê Girê FM, Girê Cûdî, Girê Amedîyê, Çemço û Saca dîyayî bombayan ver.

Artêşa îşxalkere 11ê teşrîna peyêne de Warê Xoverdayîşî yê Şehîd Fedakar û Şehîd Adilî de seba îşxalî reyna xebatê rayîrviraştişî kerdî.''