Fermandarîya Qerargehê Merkezê Pawitişê Şarî (MPŞ) derheqê şehadetê Endama Komîteya Merkezî ya PKKyî, Endama Konseya Fermandarîye ya HPG û Fermandara Warê Botanî Leyla Sorxwîn de eşkerayîya nuştekîye daye û nê pare kerdî:

“Endama Komîteya Merkezî ya PKKyî, Endama Konseya Fermandarîye ya HPG û Fermandara Warê Botanî, hemraya ma Leyla Sorxwîn 23-24ê çeleyî de Besta de pêkewtişêkî de şehîde bîye. Ma sere de keyeyê fermandara xo rê, şarê Amedî û şarê welatperwerî yê Kurdîstanî rê serweşîye wazenê. Wa sereyê hemrayanê aye ke koyanê Botanî de têkoşîn kenê, weş bo. Ma soz danê ke ma do gonîya hemraya xo Leyla erdî de meverdê û têkoşînê aye biresnê serkewtişî.

Hemraya ma Leyla hema serranê xo yê ciwanîye de tewrê sefanê gerîlayan bîye û mabênê serranê 1993yî heta 2000î bêmabên Botan de gerîlatîye kerde û binê her şertan de derbayê girdî dayî dişmenî ro û her warê şerî de ca girewt. 1995 de Cûdî de û 1999î de Elkê de birîndare bîye la her duyerim dahîna qerardar rayîrê şorişî rê dewam kerd. Sere de çalakîyê serewkteyî yê Kirya Reş û Colemêrgî xeylêk çalakîyan de ca girewt û derbeyê gidî dayî dişmenî ro. Hemra Leyla her vinceyê herra Botanî de têkoşîn reyra berd.

Hemra Leyla 2000 de ravîyarte Herêmanê Pawitişî yê Medya û 2001 de Akedemîya Leşkerî ya Mahsûm Korkmazî de perwerde dî û ravîyarte Qendîlî û heta 2003 tîya  mende. Dima ra reyna bi eşqê girdî verê xo da Botanî û fermandarîya Gabarî de ca girewt. Hemleya 1ê Hezîrane de sey serkêşe aktîf ca girewt û çalakîyanê serkewteyan de ca girewt. Heta 2007î Gabar de fermandarîyeya serkewtîye kerde, perwerdeyê cîya cîya dîyî û 2008î ra heta 2018î Zap, Zagros, Qendîl waranê cîyayan de mende. 2018 de verê xo da Botanî û pîya bi hemra Egîd Civyanî wezîfeyê Fermandarîya Warê Botanî girewte xo ser.

Ma do dewaya xo ya bimbarek a azadîye de rêçê Leylayan de qerardar aver şirê û waştişanê aye bîyarê ca. Sere de koyanê Botanî de heme koyanê Kurdîstanî de do têkoşînê Leylayan bibo berz. Heme gerîlayê Kurdîstanî do bibê Leylayêke. Koyê Kurdîstanî do bibê mezelê deweta tirke!”