Merkezê Çapemenî û Îrtîbatî yê HPG’yî bi eşkerayîyêk derheqê çalakîyanê gerîlayan de nê pare kerdî:

Xakurkê de Çalakîya Sabotajî

''Çarçeweya Hemleya Şorişgêre ya Şehîd Bager û Şehîde Ronya de 30’ê Gulane de Xakurkê de vera hêzê operasyonê îşxalî yo ke yeno domnayene çelakîyêk ameye viraştene. Çalakîya sobtajî ya ke Qilê Şehîd Botanî de ameye viraştene de  2 leşkerî ameyî kiştene xeylî zî birîndar bîyî.

2 Gerîlayî Şehîd Bîyî

Ma eşkerayîya xo ya 2’ê Hezîrane de vatbi ke 1’ê Hezîrane de Qilê Şehîd Derwêşî de hêzanê ma dayo îşxalkaran ro 9 leşkerî ameyî kiştene. Na çalakîye de embazê ma Brûsk û Mizgîne yê ke bi şerkerdişêkê qehremankîyî xidar birîndar bîyî roja bîne şehîd kewtî. Nasnameyê embazanê ma do pêra bêrê eşkerakerdene.

Çelê de Yewîyêka Dişmenî Ameye Pirodayene

Çarçeweya hemleya şorişgêre de hêzêna ma 1’ê Hazîrane de herêma Dêrava Qesranê ya Çelê ya Colemêrgî de da yewîyêka dişmenî ro. Çalakîye de 2 leşkerê payeberz ameyî kiştene û 2 zî birîndar bîyî. Dimayê çalakîye herême ameye bombardûmankerdene. Yewîya ma ya ke çalakîye viraşte weş resaye stargehanê xo.

Qaqizman de Çalkîya Sabotajî

21’ê Gulane de artêşa Tirkî  herêmanê Qilê Qerargahî, Qilo Dûmanin, Qilê Vizikî, Qilo Reş yê qezaya Qaqizmanî ya Qersî de dest bi  operasyonêk kerd. 31’ê Gulane de yewîyêka dişmenî hetê hezanê ma ra ameye pirodayene. Çalakîya sabotajî de leşkerêk ame kiştene û 2 leşkerî zî birîndar bîyî.

Metîna û Xakurkê de Hêrişê Hewayî

2’ê Hezîrane de herêma Şehîd Derwêşî ya pabesteya Xakurkê, 3’ê menge de zî herêma Metîna de Qilê Colamêrgî ameyî bombardûmankerdene. Nê hêrişan de vîndîbîyayeyê ma çîn ê.’’