Merkezê Çapemenî û Îrtîbatî yê HPG’yî da pêhesnayene ke hêzanê înan 21’ê Gulane de çarçeweya  Hemleya Şorişgêre ya Şehîd Bager û Şehîde Ronya de Xakurke de vera artêşa Tirkî ya îşxalkare çalakîyî viraştî.

Eşkerayîye de nê ameyî parekerdene:  ‘’Hêzanê ma saetanê nîmrojî de Qilê Lêlîkanî de bi sîlehanê giranan da îşxalkaran ro. Çalakîya ke mewzî û stargehanê dişmenî ser o adir ame varnayene,  hûmara merde û birîndaranê dişmenî nêameye tesbîtkerdene. Veraşan Qilê Lêlîkan reya diyîne ame hedef girewtene. Mewzîyê dişmenî  di hetan ra ameyî pirodayene. Çalakîye de 2 leşkerî ameyî kiştene  û  xeylî sîleh û cepilxane ame îmhakerdene. Artêşa Tirkî ya ke çalakîye ra dima merde û birîndarê xo bi helîkopteran herême ra kiriştî, bi teyareyanê şerî herêma Şehîd Şerwanî, derûdorê Çemê Lolanî, qirikê Lêlîkan û Elîdirêjî bombardûman kerdî. Yewîya ma ke çalakîye viraşte zirarêk nêdî. Saetanê şanî de hêzanê ma qirikê Elîdirêjî de vera leşkeranê Tirkî çalakîyêk viraşte, 3 leşkerî ameyî kiştene xeylî zî birîndar bîyî.’’

HPG’yî da zanayene ke 21’ê Gulane de teyareyanê şerî yê artêşa Tirkî ya îşxalkare Qilê Colemêrgî yo ke pabesteyê Wareyê Pawitişî yê Medya yo  bombardûman kerd û vat ke vîndîbîyayeyê înan çîn ê.