Merkezê Çapemenî û Îrtîbatî yê HPG’yî derheqê çalakîyanê gerîlayan ê vera artêşa Tirkî ya îşxalkare eşkerayîyêka nuştekîye weşanaye.

Eşkerayîye HPG’yî de ame vatene, “Hêzanê ma bi çarçeweya Hemleya Şorişgêre ya Şehîd Bager û Şehîde Ronya, roja 3’ê Hezîrane saete 20:00 de vera artêşa TC’yî ya îşxalkare Girê Şehîd Derwêşî de çalakîya sabotajî viraşte. Na çalakîye de xeylî eskerî ameyî kiştene labelê hûmara merde û birîndaran nêameye tespîtkerdene.”

Dewamê eşkerayîye de ame vatene, “Roja 3’ê Hezîrane mabênê saetanê 23:00 û 00:00 de helîkopterê hêrişî yê artêşa TC’yê ya îşxalkare yewver girê Şehîd Şerîf û Şekîf, herêma Şehîd Botan, Ermûşî yê Xakûrkê bombardûman kerd. Nê hêrişan de tu vîndîbîyayîyê ma çin ê.

Heta nika 2 gerîlayî şehîd bîyî, xeberê vîndîbîyayîşan ê 34 gerîlayan zur ê

Wezaretê Pawitişî yê Tirkîya xeberanê ke operasyonî de heta nika 34 gerîlayê ma şehîd bîyê serwîs keno. Bîlançoyo ke her roje Wezaretê Pawitişî yê Tirkîya dano zanayene, tewr nêzdî û dûrî ra eleqeyê xo bi rastîye çin o. Ganî şarê ma nê xeberanê şerî yê taybetan ê îşxalkaran ê ke heme teknolojî destê înan de yo û bi hovîtîye hêrişê erdê Kurdistanî kenê, bawer û  goştarîya ci nêkero. Heta nika operasyon de 2 hemrayê ma şehîd kewtî û eşkerayîya 3’ê Hezîrane de ma rewşa pare kerdîbî. Dewleta Tirkî vera gerîlayan heme îmkananê xo seferber kena labelê reyna zî tu serkewtişêk dest nêkeweno, kewtê peyê serkewtişanê sexte û zuran.

Teyareyanê şerî Gare bambardûman kerde

Roja 3’ê Hezîrane de teyareyanê şerî yê artêşa TC’yê ya îşxalkare mabênê saetanê 22:00 û 23:00 de der û dorê dewa Yekmalê ya herêma Gare ya Herêmê Pawitişî yê Medya bambardûman kerde. Nê bambardûmanî de tu vîndîbîyayîyê ma çin ê labelê ziraro gird verda bax û baxçeyanê hemwelatijanê sîvîlan. “