Merkezê Çapemenî û Îrtîbatî yê HPG’yî derheqê çalakîyanê gerîlayan de eşkerayîyêka nuştekîye daye.

Eşkerayîye HPG’yî wina ya: ’’30’ê Gulane de artêşa Tirkî herêma Şehîde Sarya ya pabesteya Xakurkê de bi  paştdayîşê wesayîtanê bêmerdiman bombardûman kerd. Roja bîne zî bi Skorskyan leşkerî herême de ameyî cakerdene. Hêzanê ma vera nê leşkeran çalakîya sobatajî viraşte xeylî leşkerî ameyî kiştene û biyî birîndar. Heta saetanê şewe qilê Ermûş û Şehîd Şahanî ameyî bombardûmankerdene. Nê hêrişan de vîndîbîyayeyê ma çîn ê.

31’ê Gulane de hêzanê ma  Qilê Elîşerî yê Geverê Colemêrgî de çalakîyê viraşte. Çalakîya  ke mewzî û stargehê dişmenî bitesîr ameyî pirodayene, mewzîyêk temamî de ame îmhakerdene la hûmara merde û birîndaran nêameye tesbîtkerdene.

Licê de fermandarêk û 3 leşkerî ameyî kiştene

Qezaya Licê ya Amedî de wextêk o ke dişmen daman nano ro, 28’ê Gulane de hêzanê ma vera nê yewîyanê nimteyan çalakîyêk viraşte. Çalakîya ke Qilê Keşanî yê dewa Dêrxusî de ameye viraştene de fermandarêkê yewîye û 3 leşkerî ameyî kiştene.

Dêrsim de 5 gerîlayî şehîd bîyî

9’ê Gulane de  herêmanê  Mêrga Çepera û Şehîd Cafer û Vartinisî yê merkezê Dêrsimî de operasyonêk ame destpêkerdene. Îşxalkarnê ke bi heme îmkananê xo yê teknîkî herême bombardûman kerd  bi Skorskyan leşkerî herême de ca kerdî. Pêkewtişanê ke xeylî leşkerî ameyî kiştene de  de 5 embazê ma yê ke bi fedaîkî vera dişmenî şer kerd şehîd bîyî embazêkê ma zî esîr kewt. Operasyon bi hîrabîyayîşî yeno domnayene. Nasnameyê embazanê ma yê ke şehdî bîyî dima ra do rayapêroyî dir bêrê parekerdene.

Hêrişê hewayî

31’ê Gulane de teyareyanê artêşa Tirkî Wareyê Pawitişî yê Medya ra Zap de herêma Çemço û Gare de herêma Deşta Kafya bombardûman kerdî. 1’ Hezîrane de herêma Sîda ya pabesteya Zap’î ameye bombardûmankerdene. Hêrişan de vîndîbîyayeyê ma çîn ê.’’