Endamê Rayberdişî yê KCK’yî Xebat Andok tewrê programêkê taybetî yê Stêrk TV’yî bi û rojdem ercna.

Andokî ard vîrî ke hemleya, ‘Ma tecrîdî bişiknê fazîsmî birijnê û Kurdistanî azad bikerê’ dewam kena û va: ‘’ Na hemle semedê demokratîkkerdişê Tirkîya ya. Xora heta ke meseleya Kurdan çareser mebo Tirkîya zî demokraîtk nêbena. Kurdî wazenê xo bi xo  îdare bikerê. Wazenê wayîrê nasname, kultur û ziwanê xo bivejîyê. Kurdî xoserîya demokratîke wazenê. Tecrîdê serê Rayberîya ma vera heme cimatî yo. Cinîyî binê tecrîd de yê. Tirkîya de cinîyî tewr zaf wextê hukmatê AKP’yî de ameyî qetilkerdene. Tacîz û tecawuzî çi rey hendê zêde nêbîyîbî. Bi zextan wazenê ke îradeyê şarî bişiknê. Îqtîdarê Erdoganî dewrê xo yê peyên de yo. Bitaybetî zî xoverdayîşê grevê vêşanîye û dayîkanê laçigsipîyan û weçînayîşê 31’ê Adare  peynîya ey arde. Xoverdayîş vernîya pêvînayîşanê Rayberîye akerd. Eke mucadele birêxistine dewam bikero îqtîdar serûbin beno. HDP bi fikre Rayberîya ma semedê heme şaranê Tirkîya înşa bi û ganî xîtabê heme hetan bikero. Sinoranê Kurdistanî de memano. HDP weçînitişî de stratejîya raşte şuxulnaye û vernîya AKP-MHP’yî girewt la ne HDP ne zî hêzê demokratîkî yê bînî semedê temamî de rijnayîşê faşîzmê îqtîdarî  performanso ke înan ra yeno pawetene ranêmojnenê. Ganî no weçînitişî de muxalefet şirê sandiqan ser destûr faşîzmê îqtîdarî medo. Ê ke wazenê AKP’yî ra bixelisîyê ganî nê firsendê tarîxîyî meremnê.’’