Dimayo ke hemşaredarê Şaristanê Pîlî yê Amedî Selçuk Mizrakli yo ke herinda ci de qeyûm amebi cakerdene, hemşaredarê Peyasî Kezîban Yilmaze, hemşaredarê Bismilî Orhan Ayaz û hemşaredara Karazî Rojda Nazliere ameyî destbendkerdene, ablûqaya derûdorê şaredarîyan dewam kena.

Parlamenteranê HDP’yî yê Amedî Dersîm Dage, Salîha Aydenîze û Remzîye Tosûnê semedê paştdayîşî şîyî  Şaredarîya Peyasî. Aydenîza ke ablûqaya polîsan rê hêrsê xo ard ziwan va: ‘‘ Şima dest na şaredarîyanê şar ser. Seserra ke no zulm dewam keno, la çîyêk nêbedilya. Ma her tim tîya yê la şima yenê bedilnayene. Ma heta peynî do xover bidê û ser bikewê. Şima tewr peynî do bin bikewê.‘‘ Dima ra şar û xebatkarê ke verê banê şaredarî de ameybî pêser bi tîlîlî û sloganan kewtî şaredarî. Banê şaredarî de cigerayîşê polîsan dewam keno.