Xeylê cayanê Vakurê Kurdîstanî û Tirkîya de bi şîarê ‘’Bijî Serek Apo’’ û ‘’Newroze fîraz ba’’ şayîyê Newroze ameyî kerdene.

Dewa Qereqî ya merkezê Îdirî de şayîye ameye kerdene. Hemşaredara Îdirî Nejla Kum, Hemşaredara Xalfetî Yildiz Tendîk Parîn û bi seyan kesî beşdarê şayîye bîyî. Cinîyî bi meşaleyan rayîr a şîyî û înan sloganê sey “Jin, Jiyan, Azadî” û “Bijî Serok Apo” berz kerdî. Cinîyan adirê Newroze vist ta. Girseyî bi deyîranê hunermendan govende girewte.

Qezayanê Toroslar û Tarsusî yê Mersînî de şayîyî ameyî viraştene. Tarsus de ciwanan fîşekê hewayî eştî û sloganê ‘’Bijî Serok Apo’’ berz kerd. Toroslar de zî bînaya DEM Partî de şayîye ameye viraştene.

Qezaya Yuregîrî ya Adana de şayîya Newroze ameye kerdene. Girseyî hêvî bi sloganan rayraşîyayîş kerd û dima Mayanê Haştîye adirê Newroze vist ta. Girseyî bi sloganan govende girewte.