Heyetê DEM Partî û DBPyî çarçewa zîyaretanê xo yê Başûrê Kurdîstanî de xeylê temsîlkaranê partî û bawerîyan de ronişt.

Heyet Hemserekê DBPyî Keskîn Bayindir, Hemvervatoxanê Têkilîyanê Teberî yê DEM Partî Berdan Ozturk û Ebruye Gunay, Wekîla DEM Partî ya Mêrdînî DEM Partî û Amîrê Îdareyî yê Meclîsê Tirkîya Salîha Aydenîz û Endama TJA Adalete Fîdan ra yeno pê. 

Heyetî heta nika Serekkomarê Iraqî Abdullatîf Reşîd, Walîyê Silêmanî, Tevgera Goran, Tevgera Helwestî û Cepheyê Şarî de pêvînayîş kerdî. Heyetî bernameyêkê fitarî de temsîlkaranê musluman, zerduşt, êzidî, kakayî û katolîkan de pêvînayîş kerd.

Bername de mesajê haştîye û azadîye ameyî dayene. Bername de bale ameye antene Vengdayîşê ‘Haştîye û Komelê Demokratîkî yê Rayber Apoyî’, yewîya neteweyîye ûsn. ser.

Heyet ewro nuştox, akademîsyen u roşnvîran de zî do ronişo û abigêro.