Gerîlayanê HPGyî Orhan Lotos û Armanc Kolîsî derheqê Xoverdayîşê 14ê Temmuze de ANFyî rê qisey kerd.

Orhan Lotosî verî şexsê şehîdanê 14ê Temmuze  de heme şehîdê şorişî yad kerdî û vat, ''14ê Temmuze tarîxê Kurdîstan û merdimîye de wayîrê cayêkê muhîmî yo. Ewro zî terzê têkoşînê ma bewlî keno. Zîndanê Îmraliyî de tecrîd û  îşkenceyê vera Rayberê ma şertanê Zîndanê Amedî ra wetêr ê. Rayber Apo 24ê serrî yo binê tecrîdê giranî de yo. Bi aşman o avûkat û keyeyê xo reyde pêvînayîş nêkeno.Rayber Apo Îmrali de hele bi hele xoverdayîşê xo bi tewirê şorişgêrî gird keno.

Gerîlayê azadîye  vera hêrişanê qirkerdişî û tecdîrê Îmraliyî sere de Zap, Avaşîn û Metîna de her warê Kurdîstanî de bi ruhê fedayî xover danê. Ma do semedê azadîya fîzîkîye ya Rayber Apoyî heta dalpaya peyên a gonîya xo têkoşîn bikerê. Gerek her welatperwer û her keso wayîrê wîjdanî vera nê hêrişanê qirkerdişî  xover bido. Çunke vera faşîzmî xoverdayîş şert o. Paşta ma şarê ma ra pêt a. Gerek her kes tewrê nê xoverdayîşî bibo û beyraqa serkewtişî têşano. Ma do heta serkewtişî bi ruhê 14ê Temmuze têkoşîn bikerê.”

Armanc Kolisî vist vîrî ke xoverdayoxanê 14ê Temmuze Kemal Pîr, Mehmet Hayrî Durmu, Alî Çîçek û Akîf Yilmazî 1982 de Zîndanê Amedî de vera wehşetî rojeyê mergî da destpêkerdene û nê vatî: ''Embaz Kemal, Hayrî, Alî û Akîfî semedê azadîye wina yew qerar girewt û heta şehadetî rayra berd. Eke xoverdayîşê ke 1982 de dest pêkerd, ewro hema dewam keno, no xeyrê nê qehremanan ra yo. Rayberîye ke vano 'Ez hêzê xo şehîdan ra gena' 24 serrî yo Îmrali de bêmabên xoverda dano.

Dişmeno îşxalker se keno wa bikero nêeşkeno îdareyê Rayberîye bişikino. Ewro Îmrali û koyanê Kurdîstanî de ruhê 14ê Temmuze yeno ciwîyayene. Dewleta tirke reyna wazena zîndan de emzanê ma teslîm bigêro. Ez qehremanê ke wayîrê xoverdayîşê pîlî yê reyna bihurmet yad kena. Ma pêro deyndarê înan ê. Ma do na çarçewe de semedê azadîya şarê xo têkoşînê xo bidomnê.''