Gerîlayanê YJA-Starî yê herêma Metîna derheqê şerî de ANFyî rê qisey kerd.

Gerîlaya YJA-Starî Xunda Kobanê ard ziwan ke waranê Girê Ortê û Çarçelê yê Metîna de embazê ci xoverdayîşêkê pîlî kenê û vat: ''Ma sey hêzanê HPG û YJA-Starî Metîna de şerêkê pîlî kenê. Dewleta îşxalkere pê teknîkî hêrişê ma kena la ma derbanê giranan danê piro. Pawitişê Kurdîstanî teyna wezîfeyê gerîlayan ney wezîfeyê pêro şarê kurdî yo. Ganî her kes nê prosesî de rolê xo bi zelalî bîyaro ca. Ma do pîya dewleta îşxalkere bin bivisnê.''

Gerîlaya YJA-Starî Silave Firat derheqê xoverdayîşê Metîna de vat: ''Bi taktîkanê profesyonelan ma danê dişmenî ro. Ma do îşxalkeran Metîna de bifatisnê. Ma hêzê xo Rayber Apoyî ra gênê. Dişmen bi giranî hêrişê Metîna keno la embazê ma bi îradeyê pîlî danê dişmenî ro. Se beno wa bibo ma do xoverdayîşê xo ra tawîz nêdê. Ma do nêverdê ke dişmen erdê Kurdîstanî de bimano. Ma do heta peynî xo ver bidê û ser bikewê.''