Merkezê Îrtîbatî û Çapemenîye yê HPGyî derheqê çalakîyanê peyênan ê Warê Xoverdayîşî yê Şehîd Şahînî yê Zapî de eşkerayîye daye û nê pare kerdî.

''Artêşa tirke ya îşxalkere 17ê nîsane ra nata Warê Xoverdayîşî yê Şehîd Şahînî yê Zapî de kena ke pê helîkopteran leşkeranê xo tîya ca bikero. La hêzanê ma yê gerîlayan bi hewayêkê bitesîrî mudaxaleyê helîkopteran kerd û destûr nêda ê leşkeranê xo tîya bîyarê war. Îşxalkeran 22ê nîsane de Warê Xoverdayîşî yê Şehîd Şahînî da bombayan ver û dima ra kerd ke erdî ra debikewê herême. Hêzanê ma hewayêkê bitesîrî da îşxalkeran ro. Gerîlayanê ma şerê tîmanê bitêgêrayîşî ê gerîlayan pîya bi xeylêk taktîkan têmîyan de bi tewirê afernayoxî şuxulna  û têdima çalakîyî kerdî. Nê çalakîyan de 18 îşxalkerî ameyî cezakerdene. Gama ke îşxalkeren cehd kerd ke cenazayanê xo wedarê bi taktîkê sabotajî ameyî pirodayene û na çalakîye de 3 îşxlakerî ameyî cezakerdene. 22ê nîsane de çalakîyanê Warê Xoverdayîşî yê Şehîd Şahînî de pêro pîya 21 îşxalkerî ameyî cezakerdene. Warê xoverdayîşî de pêkewtişê giranî hema dewam kenê.''