Merkezê Îrtîbatî û Çapemenîye yê HPGyî derheqê hêrişanê îşxalî û çalakîyanê gerîlayan de eşkerayîye daye û nê pare kerdî:

Herêma Avaşînî

 ''19ê nîsane de îşxalkeranê ke waşt Warê Xoverdayîşî yê Werxelê de bikewê mewzîyan hetê hêzanê ma ra pê tatkîkê suîqestî ameyî pirodayene, îşxalkerêk ame cezakerdene.  21ê nîsane de îşxaleranê ke waşt ver bi Warê Xoverdayîşî yê Werxelê şirê hetê hêzanê ma ra hîrê rey pê taktîkê sabotajî ameyî pirodayene, 4 îşxalkerî ameyî cezakerdene.

Herêma Zapî

20 û 21ê nîsane de artêşa tirke Warê Xoverdayîşî yê Kunîka de pê madayê teqayîşî hêrişê mewzîyanê şerî kerd. Warê xoverdayîşî de mabanê hêzanê ma û îşxlakeran de çalakîyî dewam kenê. 21ê nîsane de îşxalkeranê ke waşt ver bi Warê Xoverdayîşî yê Kurojahroyî aver şirê hetê hêzanê ma ra pê çekanê ferdîyan û bombayanê destî ameyî pirodayene. Naye ser o îşxlakerî gamêke peyser ancîyayî. Eynî roje saetanê nême roje de îşxalkeran eynî warî de pê madayê teqayîşî hêrişê mewzîyanê şerî kerd. Girê Şehîd Şemdînî de sîstemêkê kamera yê îşxalkeran hetê hêzanê ma ra ame îmhakerdene. Eynî wextî de hêzanê ma yê YJA Starî bi taktîkê sabotajî da îşxlakeran ro, 3 îşxalkerî ameyî cezakerdene. 18ê nîsane de îşxalkeran Girê Ortê de pê gazanê axûyînan hêrişê mewzîyanê şerî kerd.

21ê nîsan ede Warê Xoverdayîşî yê Şikefta Birîndara îşxalkeranê ke waşt pê helîkopteran leşkeranê xo tîya ronê, hetê hêzanê ma ra ameyî pirodayene, helîkopterêk ame darbkerdene û helîkopteran hema ke leşkerî nêardî war peyser agêrayî. Eynî rojî verî Girê Cûdî û Girê Şehîd Kendalî dîyayî bombayan ver dima ra Girê Rûbarî de pê skorskyan leşkerî ameyî warardene. Hêzanê ma tîya da îşxalkeran ro skorskyêk ame darbkerdene. Helîkopterê bînî warî ra kewtî dûrî.

22ê nîsan ede Warê Xoverdayîşî yê Girê Ortê de îşxalkerî ameyî pirodayene, îşxalkerêk ame cezakerdene. Eynî roje Girê Şehîd Rûstemî yê Warê Xoverdayîşî yê Karkerî de îşxalkerî bi taktîkê suîqestî ameyî pirodayene, îşxalkerêk ame cezakerdene. Saetanê cemê şanî de eynî ca de îşxalkerî reyna ameyî hedefgirewtene, 5 îşxalkerî ameyî cezakerdene û 6 îşxalkerî birîndar bîyî.

21ê nîsane de Girê Hakkarî yê herêma Metîna û dormeyê dewa Çemrobotkî ya Garê pê teyarayanê şerî dîyayî bombayan ver. 21 û 22ê nîsane de Warê Xoverdayîşî yê ke Avaşîn û Zap de yê hetê qereqolanê sînorî ra pê obusan, helîkopteranê hêrişî û teyarayanê şerî ra ameyî bombardumankerdene.