Merkezê Îrtîbatî û Çapemenîye yê HPGyî derheqê hêrişanê îşxalî û çalakîyanê gerîlayan de agahîyî dayî.

Eşkerayîye wina ya:

''Çalakîyê hêzanê ma yê gerîlayan serkêşîya YJA-Starî de vera artêşa tirke ya îşxalkere dewam kenê.  Seba ke terzê şerî yê bi tîmanê hereketînan bi tesîrî yeno caardene derbê giranî dîyenê îşxalkeran ro. Netîceya nê derban de 27 îşxalkerî ameyî cezakerdene, 4 îşxalkerî zî birîndar bîyî.

Detayê çalakîyanê Hemleya Şorişgêre ya Bazanê Zagrosî wina yê:

Herêma Avaşînî de

20ê nîsane de îşxalkerê ke 5 reyî xîret kerd ke ver bi Warê Xoverdayîşî yê Werxelê şorê, hetê hêzanê ma yê tîmanê hereketînan ra ameyî mudaxelekerdene. Pêkewtişanê çetinan ra dima îşxalkerî neçare mendî ke qedemeyêke xo apey bigêrê.

20ê nîsane de îşxalkerê ke waştê Warê Xoverdayîşî yê Werxelê de mewzîyan bigêrê ameyî pirodayene. Na çalakîye de 2 îşxalkerî ameyî cezakerdene.

Herêma Zapî de

18ê nîsane de îşxalkerê ke waştêne Warê Xoverdayîşî yê Girê Şehîd Tufanî de mewzîyan bigêrê di baskan ra, pê çalakîya bikoordîne ameyî hedefkerdene. Baska diyîne dima ke komêka îşxalkeran girewte binê kontrolî, pê çekanê giranan da ci ro. Netîceya çalakîye de 3 îşxalkerî ameyî cezakerdene, 2 îşxalkerî zî birîndar bîyî. Baska diyîne zî pê taktîkê suîkastî îşxalkerî kerdî hedef û yew îşxalker ceza kerd.

19ê nîsane de îşxalkerê ke Warê Xoverdayîşî yê Girê Şehîd Şahînî de bîyî, hetê hêzanê ma ra, pê çekanê giranan ameyî hedefkerdene û hedefî bi hawayêkê serkewteyî ameyî pirodayene.

20ê nîsane de Warê Xoverdayîşî yê Kuro Jahroyî de îşxalkerê ke waştêne mewzî bigêrê, bi çalakîya bikoordîne û di baskan ra ameyî hedefkerdene. Baska yewîne 3 îşxalkerî ceza kerdî; baska diyîne zî 3 îşxalkerî ceza kerdî. 

20ê nîsane de Warê Xoverdayîşî yê Girê Şehîd Şemdînî de îşxalkerî hetê tîmanê hereketînan ra bi çalakîya sereştişî ameyî hedefkerdene. Îşxalkerî 3 baskan ra ameyî hedefkerdene. Baska yewîne, pê çekanê ferdîyan û bombayanê destî şîye serê îşxalkeran, 2 îşzalkerî ceza kerdî. Baska diyîne 5 îşxalkerî ceza kerdî û baska hîrêyîne zî pê taktîkê suîkastî 1 îşxalker ame cezakerdene. Na çalakîye de bi temamî 8 îşxalkerî ameyî cezakerdene.

Artêşa tirke ya îşxalkere 20ê nîsane de pê paştdayîşê PDKyî ameye war û kişteyê xo berdî.

20ê nîsane de îşxalkerê ke waştêne Warê Xoverdayîşî yê Girê Şehîd Harûnî de mewzîyan bigêrê hetê hêzanê ma ra ameyî pirodayene. Netîceya na çalakîye de 3 îşxalkerî ameyî cezakerdene.

20ê nîsane de Kevirê Kunî yê Warê Xoverdayîşî yê Şikefta Birîndaran de îşxalkerî 3 reyî pê çekanê giranan ameyî hedefkerdene. Netîceya na çalakîye de hedefî bi hawayêkê serkewteyî ameyî pirodayene.

20ê nîsane de Warê Xovrdayîşî yê Şikefta Birîndaran de  îşxalkerî hetê hêzanê YJA-Starî ra bi hawayêkê hemwextî ameyî pirodayene. Netîceya na çalakîye de 2 îşxalkerî ameyî cezakerdene û 2 îşxalkerî zî birîndar bîyî.

20ê nîsane de Kevirê Kunî yê Warê Xoverdayîşî yê Şikefta Birîndaran de îşxalkerî pê çekanê giranan ameyî hedefkerdene. Netîceya na çalakîye de 2 îşxalkerî ameyî cezakerdene.

20ê nîsane de Warê Xoverdayîşî yê Girê Şehîd Harunî de îşxalkerî pê taktîkê sabotajî ameyî pirodayene. Hûmara îşxalkeranê ke ameyê cezakerdene nêameyî zelalkerdene.

Hêrişî hewa û erdî ra dewam kenê

20ê nîsane de dewa Şîyê ya Akrê 3 reyî, warê Girê FM, Girê Bihar û Girê Amedîyê yê Zapî 14 reyî, Girê Hekarî yê Metîna 7 reyî, 20-21ê nîsane de Warê Xoverdayîşî yê Zap û Avaşînî 37 reyî dîyayî bombayan ver.