Girê Zendûra yê herêma Metîna bi nameyêkê bînî herêma Berwarî Bala nêzdîyê 2000 metre berz o. No gir cîranê sînoranê Vakurê Kurdîstanî, Amedîyê, Heftanîn, Garê û Zapî yo. Gir semedê vaşanê xo yê tewir bi tewiran û wareyanê xo cayê koçberan o.

Xora tunelê şerî bi asanî nêvirazîyayî Her roje pê kedêka pîle game bi game gerîlayî kerrayanê wişkan  ê Zendûra qul kenê û tira şinê. Zendûra hînî bîya kelayêk a  ke gerîlayan pawena.

23ê nîsane de artêşa tirke ya îşxalkere hêrişê îşxalî yê vera herême dayî destpêkerdene. Gerîlayan zî vera naye Hemleyê Cengê Xabûrî daye destpêkerdene. Şewa verêne de girê Zendûra Derarê û Koordîne dîyayî bombayan ver. Nêmeyê şewe de artêşa îşxalkere xîret kerd ke leşkeranê xo bîyara war la netîceya xoverdayîşê gerîlayan de nêeşkaye. Narey artêşa îşxalkere xîret kerd ke nêzdîyê sînorî de leşkeranê xo bîyara war. Leşkeran waşt game bi game şorê. Ê wina bîyî ke nêeşkenê gamêke bierzê. Her ke têgêrenê kewenê dafikêke. Nê cayê berzî de, mîyanê tarîtîye de Zendûra bîye cehenemê îşxalkeran.

O çax artêşa tirke ya îşxalkere pê teyarayanê xo hêrişê çeperanê gerîlayan kerd. Hêriş bênetîce mend. Artêşa îşxalkere nêvatêne qey ê wina qels bibê. Gerîilayan pê çalakîyanê suîkastî, taktîkanê sekbanîye, xoverdayîşî û dafikan leşkerî pêşwazî kerdî. Xeylêk îşxalkerî tersî ra remayî û vînî bîyî. Her yew cayêk de raştê çalakîyanê gerîlayan ameyî.

Eke merdim biewno bîlançoya nê hêrişan vîneno ke artêşa tirke ya îşxalkere qels û têmîyan a. Bêguman gerîlayan an artêşe bin kerde. Xoverdayîşê Zendûra sey xoverdayîşo bêeman ê gerîlayan tarîx de cayê xo girewt.