Merkezê Îrtîbatî û Çapemenîyê HPGyî da dehêqê şehîdêkê Avaşînî de eşkerayîye daye û nê  parekerdene:

''26ê teşrîna verêne de dormeyê dewa Kiyê ya warê Stûnê yê herêma Avaşînî de mabênê hêzanê ma û artêşa atirke ya îşxlakere de pêkewtişê giranî qewimîyayî. Hemrayê ma Rûmet Cîloyo ke nê pêkewtişan de bi hewayêkê giranî birîndar bi esîr kewt destê dişmenî. Hemrayê ma Rûmeto  ke vera teslîmgirewtişê îşxalkeran pê tewirê Apoyî cewab da hetê artêşa tirke ya îşxalkere ra pê îşkenceyî ame şehîdkerdene. Hemrayê ma yo qehremano bêmerg Rûmeto ke verê îşkenceyê îşxlakeran de milê xo çewt nêkerd detayê zanayîşê nasanmeyê ci wina yê:

Nameyê Qodî: Rûmet Cîlo Name û Peyname: Muhammed Hiso Cayê Bîyayîşî: Efrîn Maye-Pî: Suzane - Ferît Tarîx û Cayê Şehadetî: 26ê Teşrîna Verên a 2021î /Avaşîn

Hemrayê ma Rûmet Efrîn de ameyo dinya û keyeyêkê welatperwerî de bîyo pîl. Hemrayê ma Rûmeto ke mîyanê Şorişê Azadîye yê Rojawanî de bîyo pîl sefanê şorişî de cayê xo girewto û demo kilm de bîyo fermanderêko serkewte. Xoverdayîşê vera çeteyanê DAÎŞî de rolêko xurt kay  kerdo û badê şorişî 2016 de verê xo dayo koyanê qedîman ê Kurdîstanî û tewrê sefanê gerîlayan bîyo ke tim xeyalê ci bi. Hemrayê ma Rûmet  cuya û şer de tim sefanê verênan de bi. Gama ke 23ê nîsane de artêşa tirke vera Zap, Metîna û Avaşîn operasyonê îşxalî da destpêkerdene çeka xo girewt û vazda mewzîyanê xoverdayîşî. Xoverdayîşê vera îşxalkeran de pê ruhê Apoyî heta hela peyêne têkoşîn kerd û derbe pîlî dayî dişmenî ro. Hemrayê ma Rûmet bi ruhê xoverdayîşê tarîxî yê Avaşînî. Ma hemrayê ci yê ke peyde mendê ma do têkoşînê ey biresnê serkewtişî.

Sere de keyeyê ercîyayeyî yê hemrayê ma Rûmetî heme şarê xo yê welatperwerî rê ma serweşîye wazenê û sozê caardişê waştişanê şehîdan newe kenê.''