Fermandarîya YBŞyî pare kerd ke 18ê adare de leşkeranê Iraqî qestî ra hêrişê şerwananê înan kerdo û 5 şerwanî esîr kerdê. 

YBŞyî vat ke nê şerwananê birîndaran rê heqaret ameyo kerdene û dîmenî medyaya dîjîtale de ameyê parekerdene. YBŞyî da zanayene ke hayîya înan bi aqîbetê panc şerwanan çin a û vat: ‘’Ma tim kerd ke meseleyanê xo bi artêşa Iraqî bi hawayêkê dostaneyî çare bikerê. Şerwnanê ma vera DAÎŞî şer kerdibi. Wina vajîyeno ke nê bi sûcanê ‘terorî’ bêrê muhakemekerdene. No nêno qebulkerdene. 

Embazê ma netîceya dafikêke de ameyî esîrkerdene. Ma ney bi şîdetî şermezar kenê. Wa cade embazê ma yê esîrî vera bidîyê. Ma sey şarê êzidîyan û Yewinanê Pawitişê Şingalî venga hukmatê Iraqî danê ke eke embazê ma vera nêdîyê û çîyêk bêro sereyê înan ser, mesuldarê qewimîyayîşanê muxtemelan ma nîyê, şima yê.’’