Çeteyanê DAÎŞî 3ê tebaxa 2014î  vera Şingalî hêrişê qirkerdişî dayî destpêkerdene, wextê îşxalî de bi hezaran êzidî ameyî qetilkerdene, bi hezaran cinî û domanî hetê çeteyan ra ameyî remnayene û kolekerdene. Hema zî aqibetê bi hezaran kesan nîno zanayene. Bi paştdayîşê gerîlayanê HPG-YJA Starî, ciwananê êzidîyan û YBŞ-YJŞyî  13ê teşrîna peyên a 2015î de Şingal çeteyanê DAÎŞî ra ame pakkerdene.

Fermandarîya YBŞyî serrgêra 8. ya azadkerdişê Şingalî de eşekrayîya nuştekîye daye. YPŞyî vat “Bi çeteyanê DAÎŞî û îxanetê PDKyî 8 serrî cuwa ver şarê ma qirkerdişêkî rî bi rî mend û vera nê xover da. Na fedakarîya bitaybetî bi keda gerîlayanê azadîye û şervananê YPG-YJŞyî vejîyaye werte. Ma do nê çirey xo vîra mekerê.

Eşkerayîye de şexsê Mam Zekî , Egîd Civyan, Dilşêr Herekol, Nujînan, Çeko, Memo û Rosyar, Şoreş Xiniz, Seîd, Berxwedan, Zerdeşt, Şîlan, Nujiyan, Dijwar, Azad, û Dîndaran de qehremanan ke heta peynî semedê azadkeridşê herra bimbareke ya Şingalî  têkoşîn kerd, ameyî yadkerdene.

YBŞyî vat, “Çeteyanê DAÎŞî kerd ke derheqê şarê êzidî de qet çîyêk memano. Xora vera zîhnîyetê winayênî de xoverdayîş rehet nêbi.  O wext semedê teberê têkoşîn û şerê azadîye de yewna rayîr çînêbi.  Vera çeteyanê DAÎŞî rixmê bêîmkanîye ma bi serkêşanê xo reyde têkoşînê azadîye rayra berd.  Ma pîya bi gerîlayanê azadîye û şervananê YPG-YPJyî destûr nêda dişmen bireso armancanê xo.”

Eşkerayîye wina dewam kerd: “Wesîyeto ke qehremananê ma ra mendo, ma pîya bi şarê xo wayîrê ci vejîyenê. Ma na herre de dişmenê merdimîye bin fînayî. Ewro zî ma eşkenê vera hêrişan bi îtîfaqê hêzdarî têkoşînî bidomnê. Şarê ma ganî nê bingeyî de bawerîya xo xurtêr bikero, ê rojan xo vîra mekero û semedê qesasê qehremananê ma û xelisnayîşê esîran têkoşînî pîlêr bikero.

Bedelê ci beno wa bibo ma do vera her qeyde îxanet, hêriş û zextan xover bidê. Dewleta tirke bitaybetî seba ke qesasê DAÎŞî bigêro  reyna wazena herra ma îşxal bikero. Wazena bi îxanetî reyna vera ma ferman bikero. Bi destê MÎT û hemkarê ci, bi şerê taybetî hêrişanê bêehleqan kena.  La no komelo qedîm senî ke 2014 de xover da reyna do vera îşxal û qirkerdişî xover bido.”

Ma do rayîrê qehremananê ke xo feda kerd teqîp bikerê û têkoşînî bi serkewtişî tacîdar bikerê.  Na çarçewa de sere de Rayber Apo ma qehremanê xo, merdimê qehremananê xo , şarê ma, şervanê YPG-YJŞyî û gerîlayê azadîye yê ke koyanê azadan de vera îşxalî destanê qehremanî nusenê, pîroz kenê.”