Gerîlaya  YJA-Starî Arjîne Celalî bi wesîleya serrgêra Komployê 9ê Teşrîna Verêne ANFyî rê qisey kerd.

Arjîne îfade kerd ke komplo şexsê Rayberê Şarê Kurdî Abdullah Ocalanî de, vera cinîyan ameyo kerdene. Arjîne vat: ''Sîstemê serdestîya camêrdan cinîyan asta diyîne de vîneno. Dima ke ez tewra gerîlayan bîya mi hîna hol fam kerd ke hêrişê vera Rayberîye heman wextî de hêrişê vera cinîya azade yo.

 Armancanê Komployê 9ê Teşrîna Verêne ra yew zî çinkerdişê xeta azadîya cinîyan bi. Hêzanê serweran waştêne ke cinîyî xo nêşinasnê û heya peynî sey koleyî bimanê. Seba azadîya Rayber Apoyî destê ma ra çi bêro ma do bikerê. Eke hewce bibo ma do ganê xo feda bikerê. Ma do Rayber Apoyî reyde cuya azade awan bikerê.''