Fermandarîya Qerargehê Merkezî ya YJA-Starî bi wesîleya serrgêra 26. ya şehadetê Zîlane (Zeynepe Kinaci) eşkerayîyêke daye. Eşkerayîye wina ya:

''Serrgêra 26. ya şehadetê embaze Zîlane de, ma pêro şehîdanê xo yê têkoşînê azadîye yad kenê. Şexsê embaze Zîlane de ma pêro fermandar û milîtananê xeta Zîlane yê sey Sema Yuce, Gulane, Leyla Agirî, Ekîne Wan, Mîzgîne Rojhilat, Şevîne, Şaristane, pêro şehîdanê Hemleyanê Şorişgêran ê Bazanê Zagrosî, Cengê Xabûrî û Egîdanê Botanî zî bi rûmet û minetî yad kenê.

Rayraşîyayîşê 50. ya Rayberîye de pê xebatanê azadîya cinîyan erjê azadîye awan bîyî. Nê 50 serran de şehîdanê ma yê çêran serê îdeolojîya Rayber Apoyî de xetêka çalakkerîye vete werte. Embaze Zîlane zî helanê tewr krîtîkan de bi çalakîya xo cewab da û bîye parçeyêkê esasî yê serkewtişî. Serkêşê ma yê pîlî Sakîne Cansız, Besê Anuş, Azîme, Berîtan, Berîvane û bi hezaran embazanê ma, tewir û temsîlkarîya milîtanîya Rayber Apoyî vete werte û embaze Zîlane zî bîye kombîyayîşê erjanê têkoşînê azadîya cinîyan. Ma sey hêzanê YJA-Starî bi Hemleya Wextê Azadîye wayîrê mîrasê xeta Zîlane vejîyê û qetî na xete biresnê serfîrazîye.

Şerê Hîrêyînî yê Dinya de hêzanê hegemonîkan seba ke xeta azadîye ya şaran tasfîye bikerê Rayberîya ma kerde hedef. La xeta fedayîye ya Zîlane ser de gerîlayê fedayî yê YJA-Starî serê hişmendî û qerardarîya Rayber Apoyî de xeta fedayîyan her ke şino kenê berzêr. Senî ke embaze Zîlane bi çalakîya xo bîye wayîra hemleyêka tarîxîye, bi tewirê xo zî bîye çêra serkewtişê cinîyan. Ewro heman tewirê aye Zap, Metîna û Avaşînî ra heta Xakûrkê, Serhed û Botanî hetê cinîyan ra yeno mojnayene. Senî ke embaze Zîlane wextê giranî de bara tewr girane girewte xo milî, ewro zî teqîbkerdoxê aye, şerwanê azadîye xeta Fermandare Zîlane de Vakurî ra heta Başûrî vera hêrişanê îşxalî şerê raştîye kenê.

Rayber Apoyî çalakîya embaze Zîlane sey çalakîya tewr pîle, tewr fîraze û tewr netîcegîre pênae kerde. Senî ke embaze Zîlane hişmendîya kanperestîye ra hesab pers kerd, ma zî sey embazanê aye îşxalkeran ra do hesab bipersê. Ma do heta peynî xeta qerardare ya Zîlane temsîl bikerê. Sey hêzanê YJA-Starî, bi terzê Zîlane, bi rêxistinkerdiş û îradeyê pîlî, bi pisporî şerê tunelan ra heta her çeperêkî îradeyê cinîyan do bimojnê dişmenî û îşxalkeran ra hesab bipersê.

 Serê qerardarîya Zîlanbîyayîşî de ma pratîkê şerî bikerê. Ma do mîyanê pêro şertan de zî bibê embazê raştikênî yê Zîlane. Ma bi qerardarîya nê şerî raştîya Fermandare Zîlane de her hela xo newe ra awan bikerê. Nê esasî se ro ma do bi felsefeya azadîya cinîyan û şarê xo ameyoxê azadî awan bikerê, welatê xo dişmenî ra bixelisnê û şarê xo rê serkewtişê pîlî dîyarî bikerê.

Ewro Avaşîn, Zap û Metîna de her fermandar û milîtana/ê HPG û YJA-Starî ewro pê metod û krîteranê Zîlane şer kena/o. Ma nê pêro embazanê xo selam kenê û înan rê serkewtiş wazenê. Dişmen çend bi hawayêkê bêemanî şer bikero zî ma do şerê xo biresnê serfîrazîye. Wext wextê Zîlanbîyayîşî yo. Her gerîlaya YJA-Starî fedayîya Rayber Apoyî ya, Zîlan a.Nê esasî ser o ma reyna pêro şehîdanê xo bi heskerdiş, minet û rêzdarî yad kenê, soz danê ke ma do wayîrê mîrasê înan vejîyê.''