Kordînasyonê YPS û YPS JINî bi eşkerayîye Mehmet Tunç,  Asya Yuksel û pêroyê şehîdê ke Cizîre de cêrzemînan de ameyî veşnayene û qetilkerdene, ardî vîrardene.

Eşkerayîye de ame vatene, ‘‘Bi nameyê YPS û YPS JINî, ma Mehmet Tunç, Asya Yuksel û pêroyê şehîdanê xo yê ke Cizîre de cêrzemînan de serra 2015 û 2016î de wextê Xoverdayîşê Xoîdarekerdişî de ameyî veşnayene û qetilkerdene, bihurmet yad kenê. 

Eşkarayîye de ame dîyarkerdene ke prosesê xoîdarkerdişî, xoverdayîşêko gelekî xurt bi û ame vatene, ‘‘Nê prosesî welatperwer, mîlîtan û rayberê hejayî afirnayî.’’ Eşkarîyîye wina dewam kerd, ‘‘Prosesê qedexeyî de ke 14ê kanûna 2015î de ame îlankerdene û 79 rojî dewam kerd, amancê bingeyîn ê  faşîzmê dewleta tirke o bi ke waştêne pêroyê kurdan bikerê mehkûmê koletîye. Cigêrayîşê azadî yê kurdan seke suco ke tewr giran bibo, ameyêne vînayene.  Serewedaritişê hemverê neheqîye, cigêrayîşê cuya bikultur, ziwan û sîstemê xo zî bîyêne sebebê qetilkerdene. Nê hêrîşê tarîxî yê hemverê şarê ma, nika zî şîdetê xo kenê ferzkerdene. Cigêrayîşê çandê kurdan seba serdestan her tim bîyo ters û talûkeyêk. Coka estbîyayîşê na rastîye seba xo kerde sebebê çinbîyayîşî.

Dewamê eşkarayîye de ame dîyar kerdene ke, şarê kurd bi xoverdayîşê xo êdî dinya de yeno qebulkerdene. Û pozîsyono ke kewtê ci dest hem tesîrê Rojhelatê Mîyanên hem zî tesîrê pêroyê dinya keno û vajîya ke, ‘‘Embazê ma yê Mehmet Tunç û Asya Yuksele tena rayîrêk dabî xo ver: ‘Eke cuye est biba gere azade biba’. Cuyêka birûmete, felsefeyê înan ê bingeyîn ê cuye bîye. Bîyî şerwanê Şerê Şarî yê Şorişgerî. Bîyî sembolê kulturê xoverdayîşî.

Mehmet Tuncî qiseykerdişê xo yê peynîye yê bi telefone de wina vatbî, ‘Wa kesêk ma ra teslîmîyetî nêpawo û hêvî nêkero, sey roja destpêkî ma do mil bi mil xo ver bidê û eke hewce bikero, nê amancî de ma do şehîd bibê. Ma xo ver da û ma teslîm nêbîyî, ma serewedarite yê.’’ 

Mehmet Tunç, Asya Yuksel û bi 177 xoverdayoxan bîyî sembolê xoverdayîşî yê tarîxî Kurdîstanî.

Ma reyna şexsê Asya Yuksel û Mehmet Tunçî de pêroyê xoverdayoxê ke cêrzemînî de şehîd bîyî, bihurmet û mînetdarî anê vîrardene. Sey şarê kurd, cinî û ciwanê kurd tena mesajêkê ma est o, o zî heyfgirewtiş o.’’