Hêzanê Rojhelatê Kurdîstanî (YRK) bi eşkerayîyêke pare kerd ke 26ê êlula 2022yî de herêma Asosî de hêrişê hewayî yê dewleta tirke de gerîlayê înan Hiseyîn Rehmetî birîndar bîyo û 5ê teşrîna verêne de zî şehîd bîyo.

Nasnameyê gerîlayê şehîdî wina yo:

Name û Peyname: Hiseyin Rehmeti

Nameyê Qodî: Sirvan Sine

Tarîx û Cayê Şehadetî: 2022-Asos

YRKyî da zanayen ke gerîla Sîrvan Sine 1989 de Jawero de dadîya xo ra bîyo û 2008 de zî tewrê gerîlayan bîyo. YRKyî keyeyê Sineyî ra serweşîye waşte û vat: ''Ma sey YRKyî soz danê ke wayîrê ked û erjanê embazanê xo bibê, alaya înan berzêr bikerê û qesasê înan bigêrê.''

YRKyî pê hesna ke 29ê teşrîna verêne de hêrişanê hewayî yê dewleta tirke de Asos de gerîlayê înan Serhed, Dilogan û Baher şehîd bîyê û nasnameyê înan dima eşkera bikero.