Fermandarîya Yewinanê Rojhelatê Kurdîstanî (YRK) derheqê hêrişanê Tirkîya û Îranî yê vera herêmanê Asos û Pêncwênî de eşkerayîyêke daye û dîyar kerd ke hêrişan de zerar resayo mal û mulkanê şarî.

Eşkerayîye wina ya:

''Dewleta tirke ya îşxalkere seba ke binkewtişê xo binimna vera herême hêrişan kena. Şanê 9ê kanûne de hemwelatîyî wexto ke agêrayêne keyeyan dewleta tirke ya îşxalkere dewa Sipîyare di reyî pê droneyê çekdarî daye bombayan ver.

Serê herêmanê Asos û Pêncwênî de vera droneyê çekdarî (SÎHA) gêrenê. Ê kamca de firsend bivînê hêrişanê şarê ma û gerîlayan kenê. Netîceya nê hêrişan de keye û baxçeyanê şarê ma zerarêko pîl dî.

Nê hêrişî bêçaretîya rejîmê Îranî ya vera şorişê 'jin, jiyan, azadî' û bêçaretîya dewleta tirke ya vera xoverdayîşê gerîlayan mojnenê. Xora ma têkoşînî ra fek vera nêdê. Ma do heta cuyêka azad û demokratîke bivisnê destî têkoşînê xo rê dewam bikerê.''