Hemsereka Pêroyî ya HDPyî ya verêne Fîgene Yuksekdage ya ke Zîndanê Kandira de sey rehîne yena tepiştene bi îdîaya ‘‘Serekkomarî rê heqeretî‘‘ roniştişê dewaya ci ya qerarî ame viraştene. Roniştişo ke Wan de ame kerdene Yuksekdage bi rayîrê Sîstemê Telekonferansî (SEGBÎS) rewrê ci bîye. Avûkatê Serekê Pêroyî yê AKPyî Tayyîp Erdoganî zî tewrê roniştişî bi.  Heyetê mahkeme ceaza pereyî ya 740 TLyî da Yuksekdage.

Yuksekdage vat: ‘‘Yew heqîqet û fikir bi serran  bi zîndan de tepiştişî nêno cezakerdene. No metod tarîxî ra yeno şuxulyayene la çirey ser nêkewto. Rixmê heme hêrişan eke şar peyê partîya xo de vindeno na raştîye çirey vînî nêkena û nêna cezakerdene. Ma do vera zaliman xover bidê. Eke ma xover medê ê do ser bikewê. Ma bi şarê xo xover danê û ê do vînî bikerê. Qesrî rojêk do birijîyê û êyê ke ûca ra nê hukmî danî do binê de bimanê.‘‘