Amebi eşkerakerdene ke bi îdîaya hemverê asayîşê neteweyîyî de fealîyetî kerdê 103ê ci muxtarê dewe û 156ê ci zî muxtarê mehla pêro pîya 259 muxtar gure ra girîyabî.   

Parlamentera HDPyî ya Sêrtî Meral Daniş Beştaşe seva nê gure ra girewtişan Meclîse de parsa ke „tirêm muxtarê ke nêşinê Saray hedefê hukmatî de yê?“

Muxtarê dewa Şirnan ya qezaya Azarpêrt a Çewlîgî Ermîş Kal zî ê muxtaranê ke gure ra gİrîyabî ra yew o. Kalî vat ke înan rê nûşteyêko fermî nêameyo û walîtî û qeymeqamî înan ra vato ke şima gure ra girîyayê.“  

'GAMA KE WEÇÎNTIŞÊ CAYÎYÎ NIZD BENÊ'

Ermîş Kalo ke dewa Alewîye de 15 serrî yo muxtarî keno vat „Herême de înan sere de şaredarîyî girewtî. Dima ra zî Wezaretê Karê Zereyî lezîya xo nêgirewte muxtarî hedef girewetî. Alewîyî timî hetê mezlûman de bîyî. Seva ke ma HDPyo ke her wext hemverê nêheqîye de mucadele keno rê reya xo danê ê wina heyfê xo ma ra gênê.“ 

'WAZENÊ KE HERÊMANÊ ALEWÎYAN BÊMERDIM VERDE'

Kalî ard ziwan ke no tesaduf nêyo 6 muxtarê ke gure ra girîyayê Alewî yê. Kalî vatişê xo wina dewam kerd: „Na polîtîkaya dewlete verî ra esta. Wazenê ke herêmanê Alewîyan tal bikerê, bêmerdim verdê û kulturanê bînan ra şarî tîya bica bikerê.“  

 'BÎAT NÊ MA DO MUCADELE BIKERÊ'

Peynî de Kalî ard ziwan ke “ma do muxtarê ke ameyê tayînkerdene nas nêkerê. Rayîrê Seyît Rizayî de şirê.” Kalî eşkera kerd ke ê do hemverê nê qewimîyayîşan de kombîyayîşêkê çapemenî virazê.''