Gerîlayan Zap de Operasyono Şorişgêr ê Şehîde Doga Vîyan kerd. Merkezê Îrtîbatî û Çapemenîye yê HPGyî derheqê operasyonî de eşkerayîyêke daye. Eşkerayîye wina ya:

''17ê sibate de saete 12.50 de Warê Xoverdayîşî yê Girê Cûdîyî yê Herêma Şehîd Delîlî ya Rojawanê Zapî de Operasyono Şorişgêr ê Şehîde Doga Vîyan ame kerdene. Nê operasyonî de xeylêk baskan ra îşxalkerî ameyî hedefkerdene û mewzîyê înan ameyî destvistene. Gerîlayanê ma bi ruhê Apogîrî bi lezî baregehê îşxalkeran înan ra girewt, şîyî cenazayanê îşxalkeran ser û dest na çekanê înan ser. Hêzanê ma dima ke dest na çekanê îşxalkeran ser nê çekî vera îşxalkeran şuxilnayî. Ancî hêzanê ma xeylêk malzeme, xeym û konteynirê îşxalkeran zî dayî adirî ver.

Gerîlayê Aadîye yê Kurdîstanî şîyî cenazayanê îşxalkeran ser û qetî kerd ke bi temamî 37 îşxalkerî ameyê cezakerdene. Ancî ame îsbatkerdene ke nê 37 kesan mîyanî de serwan û payeberzê bînî est ê. Hêzanê ma dest na malzemeyanê nê fermandaranê îşxalkeran ser zî.

Operasyon de 15 mewzî, 7 konteynir, 1 cebilxane, 1 warê muxarebe, 1 warê çimdarîye, 2 çekê A4î, 1 çeka bombaeştoxe, 2 sîstemê radarî û 5 kamerayê mobese ameyî îmhakerdene.

Hêzanê ma serê cenazayan de dest na 8 çekanê MPT-55î û 8 şarjoranê înan, 5 çekanê BKCyî, 300 guleyanê BKCyî, 1 çeka bombaeştoxe, 3 çekanê bombaeştoxan, 1 tifingê sekbanîye yê bi markaya Bora, şarjor û malzemeyanê înan, 2 çekanê roketeştoxan, 2 çekanê bipompayan, 8 durbunanê termalan, 4 durbunanê şewe, 1 durbunê roje, 11 durbunanê çekan, 2 hacetê noqtakerdişê çekan, 1 cîhazê bêtelî û akuyê ci, 4 cîhazanê bêtelan, 2 bombayanê destan, 3 roşnîya nîşankerdişî, 2 panelanê enerjî, 2 kamerayanê mobese, 7 powerbankan, 1 teleskopî, 1 bataryaya şarjîne, 1 kask, 2 sensoran, 3 telefonan û 1 çanteyî ser.

Gerîlayêkê ma şehîd bi

Operasyonê Şorişgêrî yê Şehîde Doga Vîyan de embazê ma Şervanî bi qehremanî şer kerd û şehîd bi.

Dewleta tirke ancî zûrî vatî

Operasyonê Şehîde Doga Vîyan de artêşa tirke ya îşxalkere derbêka pîle werde, zaf kişteyî dayî, girêkî ra ameye pakîkerdene, malzemeyê ci ameyî destvistene û îmhakerdene. Rixmê ney zî artêşa îşxalkere seke çîyêk nêbîyo eşkerayîyêke nêdaye û dima zûrî kerdî ke teyna leşkerêkê ci kişîyayo, leşkerêk birîndar bîyo û 8 gerîlayê ma zî şehîd kerdê.

Wa şarê Tirkîya û rayaumûmîye bizanê ke nê operasyonî de 37 leşkerî ameyî cezakerdene ke nê leşkerî nê zimistanî de hetê rejîmê AKP-MHPyî yê faşîstî ra rîyê israrê şerî ra erşawîyabî tîya. Mesuldarê nê tabloyî AKP-MHP yo. Kurdîstan de şerêko giran est o ke ma do tim raştîyanê ci eşkera bikerê. Nê operasyon de 8 gerîlayê ma ney teyna embazê ma Şervan şehîd bi. Ney ra ber zerarêk nêresa hêzanê ma ser. Raştîya na qayde ya.

Operasyono Şorişgêr ê Şehîde Doga Vîyan cewabê serra 26ine ya komployî yo

Operasyono Şorişgêr ê Şehîde Doga Vîyan vera serra 26ine ya Komployê 15ê Sibate cewabêk o. Hêzanê ma, embazanê ma zîndanan û şarê ma no komployo ke çinkerdişê Rayber Apo û têgêrayîşê azadîye armanc kerdêne, bi xoverdayîşê xo bênetîce verda. Operasyonê Şehîde Doga Vîyan zî mojna ke no xoverdayîşo tarîxî do kamyew aste de dewam bikero. Gerîlayê Azadîye yê Kurdîstanî wayîrê ê hêz, xîret û tecrubeyan ê ke do serra 26ine ya komployî de zî pêro erkan û mesuldarîyanê xo bîyarê ca.''