Goreyê agahîyanê ke çimeyanê HPGyî dayê vera artêşa tirke ya îşxalkere Zap de Operasyono Şorişgêr ê Şehîd Helmet Dêralok ameyo kerdene. Ame parekerdene ke Operasyonê Şorişgêrî yê Zapî de gerîlayan xeylêk îşxalkerî ceza kerdê, dest nayo çekanê înan ser û ê operasyonî rê hema dewam kenê.

Helê opersyonî ameyî antene

Çimeyo ke da zanayene ke Operasyono Şorişgêr dîyayo destpêkerdene pê hesna ke di mewzîyê sratejîkê ke artêşa tirke tede cabibî hetê gerîlayan ra ameyê destvistene û operasyon dewam keno. 

Dîmenê ke Amedîyê ra ameyê, tede vengê pêkewtişan bi hawayêkê zelalî eşnawîyeno.

Wezîrîya Pawitişî ya Tirkîya destpêk de îdîa kerd ke 5 leşkerê înan merdê û 8 leşkerê înan birîndar bîyê la dima neçare mende pare bikera ke 4 leşkerê înan ê bînî birîndar bîyê û 9 leşkerê înan merdê.

Tay çimeyan zî da zanayene ke gerîlayan Metîna de vera baregehê Fermandarîya Tugayê Komandoyan a 41ine ya artêşa tirke hêrişêk kerdo, nê hêrişî de 9 ra zêdeyêr leşkerî merdî û 4ê ci giran 17 leşkerî birîndar bîyî.

Ame parekerdene ke dewleta tirke ya îşxalkere hûmara kişteyanê xo nimnena û zaf leşkerê ci merdê.