Zinar serra 1983 de qezaya Seyhanî ya Adana de ame dinya û zereyê keyeyêk welatperwerî de bi pîl. Dimayo ke Têkoşînê Azadîye yê Kurdistanî nas kerd tewrê xebatanê ciwanan bi û dejo ke şarê Kurdî anceno bi hawayêko akerde dî. Na rewşe kesîya ey ser o zaf tesîr kerd.  Cuye û vindetişo bianor û qehremanîye ya şarê Amedî tesîr bi Zinarî kerd. Seba ke girêdayeyîye şarê xo û serkêşanê şarê xo bi, qerar da û tewrê mîyanê refê gerîlayan bi. Serra 2003 de menga Teşrîna Verêne de dest bi şorişgerîya profesyonele kerd.

Hemrayê ey qalê Zinarî kerd: “Her ke ma o dîyêne, ma ser o tesîr kerdêne. Her game de ma ey yad kenê. Cayê her hemrayêkê ma zerrîya ma de esto. Ê ciwanê qehreman ê ke mîyanê şarê ma ra visîyê ameyê û seba amancanê girdan dest bi têkoşînî kerdo.

Nê ciwanan ra yew zî Haci Meşe bi, bi nameyê xo yê mîyanê ma Zinar Çermîk. Ciwanîya xo Adana de derbaz kerde.  Ge-ganê ma rê qalê ê rojanê zor û zehmetan kerdêne. Eynî zor û zehmetan Îzmîr de zî ciwîyeno. Hevalo Zinar hevakêko cesur, fedakar û karker bi.

Serra 2009 de ame herêma Şehîd Brûskî. Şehadetê hevalanê Alî Berîtan, Sema û Rizgarî ey ser o zaf tesîr kerd bi. Roje bi roje hêrsê ey o vera dişmenî bi zêde. Seba roja heyfgirewtişî dest kerd xo û  averde game eşte. Seba ey hûmara dişmenî, girdîya hedefî û zehmetîya ci tewr muhîm nêbîye. Hende ke seba ci firsend bibo ke bido dişmenî ro.”

Merkezê Pawitişê Şarî zî derheqê Zinarî de eşkerayîyêka xo de wina vatîbî: “Dimayo ke wextêk tewrê karanê perwerde û pratîkî bi, serra 2006 de seba ke derbazê eyalatê Amedî bibo pêşnîyaze kerde û tewrê grube bi. Zinar bi kesîya xo ya raste, karker û rêzdar tewrê xebatî bi, herêmanê Vakurî de pratîkê xo yê 4 serran de bi fedakarîya xo mîyanê hemrayanê xo de vejîya vernîye.

Vera dişmeno ke hêrişê estbîyayîşê şarî û heqanê tarîxkî yê şarî keno, soz da ke heta dilopa gonîya xo peyêne têkoşîn bikero. Hemra Zinarî armancê xo bi resayîşê merheleya şahadetî tarîx de nuşt. Ma do mîrasê ey ra wayîr bivejîyê û seba ma mîlîtananê HPG’yî wezîfe yo ke bibê teqîpdarê sey ey.”