Tepişte Mehmet Sayilgano ke Zindanê Tîpê Fyî yê Wanî de yeno tetiştene  keyeyê xo ke Mûş de yo rê derheqê binpaykerdişê heqan ê zîndanî de mektubêk erşawit. 

 Sayilganî mektubê xo de qala nê binpaykerdişanê heqan kerde:

"-Rojnameyê Yenî Yaşamî nêno dayene 

-Îdareyê zîndanî bi zordarîye keno ke tepişteyî û keyeyê ke yenê pêvînayîşan 'tuluman' xo ra bidê. 

-Wextê aktîvîteya sporî yeno kêmkerdene 

- Wextê pêvînayîşan yeno kêmkerdene yan zî pêvînayîşî yenê astengkerdene.

 -Hacetê ma ser o dest nayenê.

-Kitabî nênê dayene 

-Waştişê vurnayîşê odayan nênê caardene. 

-Bi nameyê 'hûmaritişî' her roje di rey cigêrayîş yeno kerdene 

 -Ma zîndan de benê hedefê hêrişan. Îşkence bi tepişte Medet Oruçî ame  kerdene. Ma rê korîdoran de gef yeno werdene. Nê zîndanî de hînî asayîşê ganê ma çin o.

- Îdareyê zîndanî dest nano mektubanê ma ser o

 -Ma berdişê revîr û nêweşxaneyan de sixletîye ancenê. Weşkerdişê ma bi hawayêkê temamî nêno kerdene.

-Personelê zîndanî ma sey leşkeran hesibnenê û bi nê hawayî vera ma têgêrenê. 

-Kantîn zaf vay o. 

-Îaşê ma zaf tay yeno dayene. "