Zîndananê Kurdîstanî û Tirkîya de binpaykerdişê heqanê tepişteyan vera zêdîyenê ke nê zîndanan ra yew zî Zîndanê Cinîyan ê Amedî yo. Ame zanayene ke tepişteyê cinîyî bi nameyê ''cigêrayîşê biteferuatî'' hetê gardîyanan ra bi hawayêkê zûtî yenê cigêrayene. Tepişteyan derheqê babete de îdareyê zîndanî de qisey kerd la hema zî nê têgêrayîşê zîndanî dewam kenê.

Reyna Zîndanê Amedî de girewtişê fotografê bi kome ame qedexekerdene. Tepişteyan seba ke na rewşe protesto bikerê bire daye ke fotograf nêgêrê.

Tepişteyan heman wextî de vera kamerayanê koxuşan nêrazîbîyayîşê xo mojna. Zîndanê Amedî de tepişteyê nêweşî zî bi hawayêkê bikelemçeyî erşawîyenê nêweşxaneyan. Ame eşkerakerdene ke di tepişteyan zî na rewşe protesto kerde û nêşîyî nêweşxane. Zîndanê Amedî de aktîvîteya sporî zî qedexe bîye.

Heqê revîrî, kursî, awa germine yê tepişteyanê Zîndanê Amedî zî bi nê hawayî binpay benê.  Rojnameyê Yenî Yaşamî zî tepişteyan rê nêno dayene.