Zîndanê Asayîşê Berzî yê Wanî de îşkenceyê vera tepişteyanê sîyasîyan zêdîyeno. Tepişteyê nêweşî Seyfettîn Demhatî bi rayîrê telefonî keyeyê xo de qisey kerd û qala binpaykerdişê heqan kerde.

Seyfettîn Demhatî pêvînayîşê telefonî yê 12ê êlule de nê çîyî vatî: ''Şewe û roje kesê sivîlî û unîformakerdeyî erzenê koxûşanê ma ser. Sereştişan ra heqê ma yê ciwîyayîşî nêmendo, ma hînî nêeşkenê nanî zî biwerê. Wextê sereştişan de ê her ca serûbin kenê. Rewşa ma zaf xirab a. Wextê sereştişêkî de înan embazêkê ma berd. Ma nêzanenê ke embazê ma ça de yo, ma hînî ey ra xebere nêgênê.''

Birayê Demhatî û avûkat Şengul Martiyî pare kerd ke ê rewşe ra zaf qerqilîyenê û venga rêxistinanê komelê sivîlî, ÎHD û Baroyê Wanî da ke wa heyetêkî bişawê zîndanî.''