Tepişteyo bi nameyê Mehmet Adsizo ke Zîndanê Xarpêtî yê Hûmara 1’ine de yo bi rayîrê keyeyê xo pêhesna ke o vera îşkenceyê gardîyanan 29’ê Temmuze ra nata rojeyê mergî de yo. Dayîkê Adsizî Redda Adsize da zanayene ke lajê aye zîndanê Amed, Edene, Osmanîye û Balikesîr de zî mendo her ca de raştê îşkenceyî ameyo.
Dayîke Adsize ard ziwan ke bisebebo ke cezaya lajê ci yê pêvînayîşî yê semedê 4 mengan bibî aye wexto dergo lajê xo nêdîyo û tewr peynî Roşanê Qurbanî de pêvînayîş viraşto û vat: ‘’ Hewteyo ravêrte lejê mi telefon kerd û va gardîyanan odayo ke o tena tede manano de dest û lingê ey gire dayî o kuwayo. Rîyê hêrişê garîyanan ra zara goşê ey teqaya. Dimayê nê îşkenceyî lajê mi krîzê sînîrî ravêrna û xapê xo birnayî. Na rey revîr de verê çimanê doktorî de ameyo derbkerdene û doktoran o rind muayene nêkerdo. Lajê mi vat ê timûtim bi hawayêke sîstematîkî raştê îşkenceyî yenê. Binê beyraka Tirkî de vanê ‘ çew ma ra çîyêk nêvano, dewlete ma yê’ û îşkence kenê. Vera nê muameleyê xirabî û îşkenceyî lejê mi 29’ê Temmuze de dest bi rojeyê mergî kerd.Zîndanê Xarpêtî de vera heme tepişteyan îşkence yeno kerdene. Komeleya Heqanê Meridiman(ÎHD) û partîyê sîyasîyî wa çereyêk bivînê.’’